God sumar!

Vi (næringssjef og ordførar) har hatt ei fantastisk veke med mange nyttige, lærerike og trivelege bedriftsbesøk. Totalt vart det 13 besøk fordelt utover fire dagar - takk til alle som tok så godt imot oss!

No har vi siste innspurt før ferien, og det blir roleg frå oss nokre veker framover. Vi ynskjer dykk alle ein riktig god sumar😁

Følg gjerne med på Lom næringsforum framover for å sjå glimt frå fleire av bedriftsbesøka (vi lover at dette er den einaste selfien..!). 

Informasjonsmøte om retaksering og eigedomsskatt for næringslivet den 19. august kl. 18.00

Lom kommune inviterer eigarar av næringseigedomar på Fossbergom til eit informasjonsmøte om retaksering av eigedomar og eigedomsskatt.

Retakseringa av næringseigedomar i Lom kommune startar i juli 2026, og dei nye takstane gjeld frå skatteåret 2027. Synfaring av næringseigedomar er planlagd i veke 37, frå 7. til 11. september.

Målet med møtet er å gi informasjon om den komande retakseringa og svare på spørsmål frå næringslivet.

På møtet får du informasjon om:

• kvifor kommunen gjennomfører retaksering
• korleis synfaringa blir gjennomført og kva eigarane kan vente seg
• korleis næringseigedomar blir takserte
• korleis eigedomsskatten blir rekna ut
• den vidare prosessen

Det blir også høve til å stille spørsmål.

Tid: 19. august kl. 18:00
Stad: Kommunestyresalen, Midtgard

Det blir enkel servering. Det er ikkje nødvendig med påmelding.

Velkomen til informasjonsmøte! Du kan lese meir om temaet her: 

Besøk hjå Innovasjon Norge Innlandet

Innovasjon Norge er ein av våre viktigaste samarbeidspartnarar, og derfor er det så viktig å kjenne kvarandre godt. Derfor tok vi like godt ein tur nedover til gjengen på Mjøstårnet, og brukte tre timer saman. Dei lærte meir om næringslivet i Gudbrandsdalen, vi lærte meir om korleis næringslivet vårt kan nyte godt av kompetansa og finansieringa som finst i systemet til Innovasjon Norge - og kven vi skal ringe når vi treng hjelp. Vinn-vinn!

Som bedrift kan du no få ei såkalla "rask avklaring" frå Innovasjon Norge på dine prosjekt, men vi anbefaler deg uansett å ta kontakt med næringssjefen for hjelp på vegen (krev innlogging via Bank-ID, scroll ned til "Få tilbakemelding på ditt prosjekt"). 

Hurra! Vi har fått kr. 450 000 til Nord-Gudbrandsdal som pilot for Matfylket  Innlandet

Ein gladnyheit kom denne veka!

Innlandet fylkeskommune har innvilga tilskot til dei seks kommunane i Nord-Gudbrandsdalen, slik at vi kan auke bruken av norsk mat (og aller helst lokalmat) i offentleg sektor. Tilskotet gir oss eit handlingsrom for å arrangere møter med lokalmatprodusentane, frikjøpe kjøkensjefane (slik at dei kan delta på desse møta), betale Abakus for å legge ned ein ekstra innsats i å finne handlingsrommet i anskaffelsesregelverket m.m. 
Saman med gode støttespelarar hos både fylkeskommunen og Statsforvaltaren i Innlandet så gler vi oss til å halde fram og sette fart på arbeidet med Matløftet Innlandet. Tilskotet er tildelt til IPR, som har sendt inn søknaden i samarbeid med kommunane.  Dette b

Andre nyheiter: 

• No skal det bli lettare å gjere forretning med det offentlege. Frå 1. juli blir grensa for direkte anskaffelser heva, noko som gir auka handlingsrom. Den mest sentrale endringa er at "terskelverdien for når det offentlige er pliktige å konkurranseutsette anskaffelser heves fra 100 000 til 500 000 kroner eksklusiv merverdiavgift".
• Digitalt veiskille for norsk reiseliv: Ein ny rapport frå Innovasjon Norge viser at norsk reiseliv står ovanfor eit avgjerande digitalt skifte - og at det er behov for omstilling. Ta gjerne ein titt på rapporten, anten i kort eller lang versjon. 
• Ny trafikkløysing på Kyrkjevollen: Før sumarsesongen er skiltinga på Kyrkjevollen i området rundt gamle Loar justert og forsterka etter innspel og idear frå m.a. næringsaktørar. Vi håper at dette skal hjelpe på trafikksituasjonen på plass. Uansett - køyr pent!
• 17. august kl. 09.00 er det på nytt klart til skuleopning med brask og bram, denne gongen av Jotunheimen Vidaregåande Skule - som no har fått driftstillatelse frå UDIR. Vel møtt!