Hjelp denne fine gjengen på vegen mot ei bedriftsetablering!

Desse flotte damane vurderer å starte opp eit Feelgoodsenter i Lom, og ynskjer å kartlegge interessa før dei går i gong. 
 
Feelgood er eit lågterskel treningssenter som passar for alle over 18 år, uansett utgangspunkt. Konseptet finst også på Dombås og på Otta. Du kan lese meir om konseptet her. 

Gjer ei god gjerning og svar på ei stutt spørjeundersøking i lenka under:
Del gjerne!

Er du klar for næringspub torsdag 19. november på Nordal?

Førebels har vi litt for få påmeldte til årets siste næringspub, men du har jo tenkt å kome - ikkje sant?  
Da vil vi anbefale deg å snu deg rundt raskt og melde deg på :-) 
Vi lover lun stemning, god pizza, dyktige folk frå "scena" og påfyll av både mingling og nyttig info. Programmet finn du her:

Påmeldingsskjemaet finn du i lenka under: 

Jan Sverre R. Paulsen (Vamheim)

Jan Sverre har lang erfaring med drift av kundesenter og kompetanseheving knytt til sal og kundeservice. Driv bedrifta si frå Lom. 
Han kjem med gode tips om m.a. gjenkjøp og meirsal. 

Lene Marie Gåsbakk (Skåppå)

Lene Marie, også kjent som @gossegoss, jobbar som markeds- og innhaldsspesialist i Skåppå. Ho bur og jobbar frå Lom for heile regionen, og skal gi oss ei innføring i korleis du kan gjere bedrifta di meir synleg.

Rune Fossmo (Coop Ottadalen)

Rune er til dagleg leiar i Coop Ottadalen, og har jobba innanfor varehandel i ei årrekke. Han har også ei rekke styreverv, og skal fortelje oss om m.a. korleis sjølvbetente butikkar har fungert i praksis. 

Storstilt feiring da tamreinlaget vart 100 år!

På bildet ser du ein triveleg del av feiringa, der gjetarane i tamreinlaget fekk ei flott gåve frå Norsk fjellstyre. 

Du kan sjå bilder og lese meir om både feiringa og tamreinlaget på lenka under: