Nyheitsbrev frå næringsavdelinga i Vågå kommune

Mai 2026

Haustens karrieredagar ved universitet – BLI MED!

I haust brakar det laus med karrieredagar ved universitet og høgskular i Noreg – og her skal vi vere til stades for å synleggjere Gudbrandsdalen som bu- og arbeidsregion.

Ønskjer du å stille med ein representant frå verksemda di på Gudbrandsdalsstanden under karrieredagar i Trondheim, Oslo og/eller Gjøvik?

Påmeldinga til haustens store karrieredagar er no open, og vi har eit avgrensa tal plassar på standen – her gjeld førstemann til mølla!

Les meir

Fremtidsståk

Velkomen til Framtidsståk 2026 – møteplassen for studentar, næringsliv og verkemiddelapparatet for alle med hjarte for Gudbrandsdalen. Årets tema er "Mellom arv og ambisjon i Gudbrandsdalen"

Les meir

Kommuneplanen sin arealdel

Kommuneplanen sin arealdel er opna og arbeidet med dei innspel som allereide er kome, er i gang. Dette er ein viktig moglegheit til å påverke utviklinga i kommunen. No er tida for å kome med innspel

Les meir

Bedriftsbesøk

Tradisjonen tru ønskjer ordføraren og næringssjefen å ta ein besøksrunde hjå næringslivet før sommarferien. Har du lyst på besøk? Ta gjerne kontakt – vi kjem gjerne innom!

Vil gjerne ha besøk

Nyopning hjå Eventlink - Mr Lie

Gjengen i Eventlink held koken! Første helga i mai var det nyopning av bakgarden og Mr Lie – til stor glede for både fastbuande og tilreisande. Dei har også ny heimeside der du kan bestille takeout.

Vi ønskjer lykke til med sommarsesongen og all aktiviteten framover!

Følg Eventlink!

Utstyrslager til arrangement

Aktørar i Vågå saman med Vågå kommune har etablert eit utstyrslager som lag og foreiningar kan låne gratis utstyr frå!

Sjå innslaget på NRK her

20-årsjubileum – Nordplan

I år er det 20 år sidan Nordplan etablerte kontor i Vågå. Vi gratulerer jubilanten så mykje, og ser fram til vidare godt samarbeid i mange år framover!

Bli kjent med Nordplan her

Ny heimeside - Vågå kommune

Vågå kommune har fått nye heimesider. Vi oppmodar alle til å ta ein tur innom og bli kjende med den nye løysinga. Finner du feil eller saknar du noko, set vi stor pris på om du gir oss ei tilbakemelding.

Sjå sida her

Melovittens konsertbonanza

Plateselskapet Melovitten feirar femårsjubileum i 2026, og det blir markert med ei sommarleg og feststemt folkemusikkhelg i heimbygda. Vi ønskjer velkomen til dagar fylte med musikk, gode opplevingar og ekte folkemusikkglede!

Vågå kommune ynskjer lykke til med arrangementet og takkar for at dykk er i Vågå

Melovittens konsertbonanza

Landsfestivalen i Gamaldans i Vågå

3. juni er siste frist for påmelding til tevlingane under Landsfestivalen i gammaldans i Vågå. Interessa er stor – allereie er det rekordpåmelding med heile 876 unike deltakarar!

Eit arrangement av denne storleiken er avhengig av mange frivillige. Vi oppmodar difor alle som har høve, om å bidra

Landsfestivalen i gamaldans

Hardrock til fjells! 4-6 september

Da vart det offentleg! samarbeidet mellom Tons of Rock og Gjendesheim. Ein storslått festival i fjellheimen den 4-6 september. Nyheiten fekk stor oppmerksemd i nasjonale media.

Vågå kommune gratulerer med det nye samarbeidet og ser fram til store kulturopplevingar i fjellheimen

Tons til Fjells

Ullinsvin ullfestival

I Vågå 2.–5. juli 2026 hylles den norske ulla og skapargleda som ligg i handverksarbeid.

Ullfestivalen går tilbake til det opphavlege, med fokus på kunnskapsdeling om norsk ull. Det blir kurs og føredrag innan ei rekkje handverksteknikkar – eit eldorado for både erfarne og nyfikne!

Vågå kommune ynskjer lykke til med arrangementet

Ullinsvin Ullfestival

Galleri Ullinsvin

20. juni er det opning av sommarutstillingane 2026. Årets utstillingar presenterer verk av Anne Kampmann, Ståle Blæsterdalen, Kjell Erik Killi-Olsen og Orsolya Haarberg.

I tillegg byr Gudbrandsdalsmusea på utstillingane Flatrøsta høgreist i Fjoset på Ullinsvin og Spor7tre.

Meir nformasjon om opninga og billettar

Galleri Ullinsvin

Randsverk marked

Den 13. juni blir Randsverk Marked arrangert for 10. gong!

Dette er eit lokalt fjellmarked på Randsverk, med fokus på kortreist mat og handlaga produkt. Det blir også musikk med The Busserulls, samt foto- og måleriutstilling i peisestova.

Vågå kommune gratulerer med 10-årsjubileet og ønskjer arrangørane lukke til med arrangementet!

Randsverk Marked

FRISKUS

Friskus er ein aktivitetskalender som Vågå kommune ynskjer at alle lag og organisasjonar nyttar for å synleggjere det som skjer i området vårt. Vi har også opna for at næringsdrivande kan nytje Friskus! Har du arrangement eller aktiviteter, lag deg ein profil og legg det inn. Det er ganske enkelt. Treng du bistand, så hjelper vi deg!

vaga.friskus.com

Dette nyheitsbrevet kjem frå næringsavdelinga i Vågå kommune.
Vi arbeider kontinuerleg for å styrkje Vågå som ein attraktiv stad for både næringsliv og innbyggarar.

Har du idear, innspel eller forslag du ønskjer å dele eller diskutere, er du hjarteleg velkomen til å ta kontakt med oss.

Du mottar denne e-posten fordi du er påmeldt vår e-postliste.
Dine opplysninger | Avmelding | Åpne i nettleser