Skal du søkje om midlar frå næringsfondet i år? 

Da bør du lese vidare!

Formannskapet har i dag vedteke å innføre ein midlertidig søknadsfrist for kommunalt næringsfond i 2026. Årsaka er at store delar av budsjettposten allereie er disponert, noko som auker behovet for å prioritere resten av søknadane opp mot kvarandre. 

Fyrste søknadsfrist er sett til 25. mai. Andre søknadsfrist blir 15. oktober dersom det framleis står att midlar til da. 

Vi anbefaler alle å ta kontakt med næringssjefen på førehand, så slepp du å kaste bort unødvendig tid. Hugs at alle søknadar skal sendast inn via www.regionalforvaltning.no

Månedens bedrift: TINE Meieriet Lom og Skjåk

Fabrikksjef Frode og gjengen hans fekk seg ei overrasking da NHO kom med diplom og gode ord. Gratulerer med kåring! 

Skulebesøk

Næringsliv og utdanning heng tett saman, og derfor var det både nyttig og interessant å ta med NHO på eit skulebesøk til vår nye privatskule.  

Bedriftslunsj

Vi skulle gjerne invitert med alle, men for denne gongen vart det eit lite utsnitt av næringslivet i Lom som deltok på lunsj på Fossberg. Takk for at de deltok og kom med gode innspel og refleksjonar.

Vi inviterer til vaffeltreff, infomøte om utbyggingsprosjekt og frukostmøte - velkome!

30. APRIL, vaffeltreff: Ta turen innom vårt uformelle treffpunkt – ope for alle! Er du ny i bygda, eller har du budd her ei stund og ynskjer å bli kjent med fleire? På vaffeltreffet kan du slå av ein hyggeleg prat, møte både nye og kjente folk – og sjølvsagt få deg ein nysteikt vaffel. Neste treff er torsdag 30.april kl 11.30-12.30. Møt opp i kafèen på Fossberg hotell!

4. MAI, infomøte: Lom kommune har fleire prosjekt på gong, der Røyskattlie 18 er eit av dei største. Etter planen skal anbudsdokumenta ut i mai, og vi inviterer derfor næringslivet til eit dialogmøte på førehand. Her kan du få høyre meir om prosjektet, få gode tips frå Odin prosjekt og stille spørsmål til prosjektleiar.
Det er ikkje naudsynt med påmelding, berre møt opp på kommunestyresalen.

5. MAI, frukostmøte: Eit lågterskel arrangement som er ope for alle som driv bedrift i Lom og omegn. Her får du gratis frukost og innlegg frå Varde Investeringslaug, Bakeriet i Lom, flyktningkontoret, Lomsklangen og Stiftelsen Norsk Luftambulanse. Sjå program. Det einaste vi krev av deg er påmelding - og beskjed dersom du må melde avbud. PÅMELDING HER:

Kampanje om startlån

Lom kommune ynskjer å bruke startlån meir, og er derfor i gong med filming av ein kampanjefilm saman med dyktige SMELT Media. Vi gler oss til det endelege resultatet, takk til Merethe og Magnhild som stilte opp som modellar!

Nye utemøblar

Lom kommune har kjøpt inn nye utemøblar, levert frå Rørosprodukter. 

Vi håper dei fell i smak og blir pent brukt - dei finst i tre ulike variantar. 

Nyt gjerne ein utelunsj i finværet. 

Tilskot til mobildeknining

Lom og resten av kommunane i 6K har fått innvilga millionar i breibandsstøtte over år. i 2026 blir det opna opp for at kommunane kan søkje om støtte til "arealdekning mobil" au. 
I mai deltek vi på seminar for å lære meir og førebu ein eventuell søknad. 

Ein ledig plass att i lærlingkollektivet - søk no!

Lærlingkollektivet er eit pilotprosjekt som tilbyr bustad til unge vaksne under 30 år i eit tidsavgrensa utdannings- eller arbeidsforhold i Lom (til dømes lærlingar og trainees). Søknadsskjema og meir info finn du i lenka under: