Kva er berekraftig reisemål og kvifor skal vi resertifiserast?

Vågå kommune går no i gang med arbeidet fram mot resertifisering av merket for Berekraftig reisemål. Merket blir tildelt til destinasjonar som jobbar langsiktig og systematisk med berekraft innan miljø, samfunn og lokal verdiskaping. For å bli resertifisert må kommunen dokumentere framgang sidan sist sertifisering – og dette krev tett samarbeid med næringslivet.

Vi skal være ferdig med arbeidet innan juni / juli 2026.

Berekraftig reisemål

Merket for berekraftig reisemål er ei nasjonal merkeordning utvikla av Innovasjon Noreg. Ho fungerer som eit styringssystem for reisemål som vil arbeide langsiktig og systematisk med berekraft innan miljø, samfunn og lokal verdiskaping.

Merket viser at eit reisemål:

jobbar kontinuerleg med forbetringar, sjølv om det ikkje er 100 % berekraftig
kartlegg og dokumenterer status innan miljømessig, sosial og økonomisk berekraft
evaluerast kvart tredje år, og må vise framgang for å bli resertifisert

Ordninga stiller tydelege krav til samarbeid mellom kommune, næringsliv og lokalsamfunn, og er bygd på ein omfattande standard med kriterium og indikatorar.

Les meir på Innovasjon norge sine sider: Merket for Bærekraftig reisemål | En nasjonal merkeordning

Arbeid med resertifisering

Resertifiseringa skal skje kvart tredje år, og krev at vi kan dokumentere tydeleg framgang i arbeidet med miljømessig, sosial og økonomisk berekraft. Dette er ikkje ein ny sertifisering frå start, men ei grundig evaluering som viser om vi faktisk utviklar oss i riktig retning.

Resertifiseringa omfattar ei ny gjennomgang av alle kriterium og indikatorar, der reisemålet må vise korleis situasjonen har utvikla seg sidan førre sertifisering.

Det betyr mellom anna oppdatert kartlegging av miljøpåverknad, sosiale verdiar, leiing, strategi og økonomisk berekraft.

Arbeidet krev tett samarbeid mellom kommune, næringsliv og lokalsamfunn, sidan ordninga byggjer på brei involvering og lokalkunnskap.

Næringsaktørar spelar ei viktig rolle ved å bidra med innsikt, erfaringar og data knytt til eiga drift, gjestar, transport og ressursbruk.

Kva treng vi bistand med?

For å bli resertifisert som Berekraftig reisemål må Vågå dokumentere utviklinga innan miljømessig, sosial og økonomisk berekraft. Dette klarer vi ikkje utan aktiv deltaking frå næringslivet, innbyggarar og hyttefolket. Bedriftene sit på viktig kunnskap om drift, gjester, transport og ressursbruk, og desse opplysningane er nødvendige for kartlegginga og rapporteringa som inngår i ordninga.

Deriblandt treng vi bistand til besvarelser av desse undersøkingane.

Næringslivsundersøkelsen 2026 - Frist 6 april

Svar her

Fritidsboligundersøkelsen 2026 - Frist 6 april

Svar her

Innbyggerundersøkelsen 2026 - Frist 6 april

Svar her

Kva er næringslivsundersøkinga?

Næringslivsundersøkinga er ei av dei obligatoriske kartleggingane i arbeidet med Merket for berekraftig reisemål. Ho gir oversikt over korleis lokale verksemder jobbar med berekraft, og er ein viktig del av grunnlaget for å vurdere status og utvikling i reisemålet over tid. Undersøkinga inngår i den omfattande kartlegginga som krevst for å dokumentere berekraft innan miljø, samfunn og økonomi.

Resultata frå undersøkinga hjelper kommunen og næringa å identifisere kva som fungerer godt, og kvar vi bør sette inn nye tiltak.

Svar her: https://no.surveymonkey.com/r/Bedrifter_remerk

Kva er fritidsboligundersøkinga?

Fritidsboligundersøkinga er ei viktig kartlegging i arbeidet og blir brukt for å hente inn kunnskap frå hytteeigarar og brukarar av fritidsbustader, og er ein del av dokumentasjonen som trengst for å oppfylle krava i merkeordninga. Undersøkinga gir informasjon om korleis fritidsbustadene blir brukt, kor mange gjestedøgn dei genererer, kva aktivitetar som er viktige, og kva forventningar og behov hytteeigarane har. Dette er nødvendig for å svare på fleire av kriteriane i ordninga og for å forstå korleis fritidsbustadene påverkar reisemålet.

Resultata gir innsikt i både lokal verdiskaping, miljøpåverknad og forbruksmønster, og hjelper kommunen og aktørane i reiselivet med å tilpasse tenester, infrastruktur og vidare utvikling av destinasjonen.

Svar her: https://no.surveymonkey.com/r/fritidsbolig2026

Kva er Innbyggjarundersøkinga?

Innbyggjarundersøkinga er ei av dei sentrale kartleggingane i arbeidet med Merket for berekraftig reisemål. Ho blir gjennomført for å finne ut korleis innbyggjarane opplever reiselivet, og kva dei meiner om utviklinga, moglegheitene og utfordringane i lokalsamfunnet. Undersøkinga kartlegg holdningar, erfaringar og forventningar knytt til berekraft og turisme, og gir eit viktig grunnlag for å tilpasse vidare tiltak.

Resultata fortel kommunen kva som fungerer godt i møte mellom reiseliv og lokalsamfunn – og kvar det trengst endringar. Slik bidreg innbyggjarane aktivt til at reisemålet kan utvikle seg på ein måte som styrkjer både lokalsamfunn, natur og besøksopplevingar. Undersøkinga er ein nøkkelkomponent for å møte dei strenge krava i merkeordninga innan sosial og samfunnsmessig berekraft

Svar her:https://no.surveymonkey.com/r/Innbyggerundersokelse2026

Tidsperspektiv

Vi skal være ferdige med alt arbeidet før sommaren og håpar at vi kan gå sommarsesongen i møte med godkjent resertifisering.