Høyring: Samfunnsplan, arealstrategi og planoppstart arealdel 2026–2036

– frist 16. februar

Kommunestyret i Vågå la ut tre viktige dokument på høyring før jul, og fristen på innspel går snart ut. 

Dei tre dokumenta er: 

• Kommuneplanens samfunnsdel - "sammfunnsplan"
• Arealstrategi

• Planprogram for revidering av kommuneplanens arealdel

Samfunnsplanen skal setje retninga for Vågåsamfunnet dei neste 10 åra og er ein tekstdel som inneheld mål og strategiar for korleis det skal arbeidast framover

Arealstrategien skal vise korleis vi bruker og tek vare på areala våre. Dette blir viktig når kommunen no startar arbeidet med å revidere arealdelen i kommuneplanen.

Planprogrammet for revidering av kommuneplanens arealdel seier noko om korleis arbeidet med revisjonen av kommuneplanens arealdel skal gjennomførast

Vi oppfordrar sterkt til å kome med innspel på areal allereie nå, slik at vi kan ta dette med i arbeidet med kommuneplanens arealdel framover! 

(Illustrasjonsbildet er KI generert)

Kva er eigentleg: Forslag til planprogram revidering av kommuneplanens arealdel 2017-2027

Vågå kommune har starta arbeidet med å revidere den nåværande kommuneplanens arealdel (2017–2027). Arealdelen er den delen av kommuneplanen som viser kva areal som kan brukast til bustader, næring, fritidsbustader, landbruk, natur, friluftsliv og andre formål.

Når revisjonen no startar, betyr det at kommunen opnar for innspel, og at nye behov, utfordringar og utviklingsmoglegheiter skal vurderast på nytt og vi vil gjerne ha innspel allereie nå. 

Kva handlar planprogrammet om?

Planprogrammet forklarar korleis arbeidet med den nye arealdelen skal gjennomførast. Det gjer greie for:

• kva tema som skal utgreiast i revisjonen
• kva lovkrav og omsyn som må liggje til grunn
• korleis innspel skal vurderast
• framdrift og medverknad i planprosessen

Planprogrammet er med andre ord oppskrifta på sjølve planarbeidet, og skal sikre at revisjonen blir grundig, open og føreseieleg.

Les planprogram her