Ein filmserie om små grep for eit meir berekraftig Vågå
Vågå kommune har vedteke ein Klima-, energi- og miljøplan for å ta vare på naturen, kutte utslepp og styrke lokalsamfunnet for framtida. Men ein plan gjer ingen forskjell om den berre blir liggande i ei skuff.
Difor vil vi gjere planen levande og synleg – for alle. Gjennom korte filmar viser vi konkrete tiltak frå klimaplanens tiltaksdel, og korleis dei kan takast i bruk i kvardagen, heime eller i lokalsamfunnet.
Filmserien "Kå kan e gjera?" handlar om nettopp det – kva kvar og ein av oss kan gjere, på vår måte, for å bidra til eit meir berekraftig Vågå. Små grep. Enkle val. Praktiske eksempel – frå barnehagar og skular til næringsliv, frivillige og privatpersonar.
Målet: Å gjere planen forståeleg, handterbar og engasjerande – og vise at den allereie er i gang med å bli sett ut i livet.
Brun Bygg forteller om det pågående prosjektet ved Lom helseheim, og Nordplan gir oss innføring i energimerking og andre tjenester innen energitjenester.
Mange har ønska seg ein betre "kva skjer"-kalender for Vågå og nå er den her!
Friskus kan brukast av lag og organisasjonar. Vi inviterer også lokalt næringsliv med arrangement til å bruke denne.
Friskus er enkel å bruke både for deg som arrangør og for innbyggar/gjest. Har du prøvd å registrere deg som arrangør, men ikkje heilt fått det til, så kan du ta kontakt med oss i kommunen så bidreg vi.
Friskus kan enkelt integrerast mot heimesider og visast på infoskjermar mm.
Vågå kommune har Sommar i Vågå logoen i mange fargar og variasjonar. Næringslivet står fritt til å bruke desse. Ta kontakt om du ynskjer tilgang
Dette er eit nyheitsbrev som er sendt ut frå næringsavdelinga i Vågå kommune.
Vi sender ut nyheitsbrev med både jamne og ujamne mellomrom – alt etter kva som skjer i næringslivet vårt.
Har du tips om aktivitetar, arrangement eller nyhende frå næringslivet som fleire burde få vite om? Send oss gjerne eit vink – vi deler det gjerne vidare!
Har du ein ide eller ei vekstmoglegheit som du ynskjer å diskutere, så ta kontakt på mail; Live.brimi@vaga.kommune.no
