Korleis kan bedrifter i regionen samarbeide smartare og skape meir verdi saman? Kva ressursar og kompetanse finst rundt oss, som kan utnyttast betre?
Skjåk, Lom og Vågå kommunar inviterer i samarbeid med Skåppå til eit frukostmøte der vi ser på korleis samarbeid på tvers kan gi nye moglegheiter for vekst og utvikling. Vi vil fremme konseptet industriell symbiose – ein praktisk måte å skape lønnsame koblingar mellom bedrifter og bransjar.

Er dette interessant for deg og di bedrift?

Da vil vi oppmode deg til å melde deg på frukostmøte den 2. april. 
Frukosten blir servert frå kl. 7.30, Meld deg på innan 27. mars.
 NB: Begrensa antall plassar.

Les meir om programmet her. 
Velkome!

Bli med på halvdagsseminar om marknadsføring, og få med deg tips og triks til kva som skal til for å auke synet til bedrifta di! Dørene opnar 08:30, og programmet startar 08:45. Bortelaget, Haus, Skåppå og Trollbinde har ansvar for å inspirere deg denne dagen! Sjå heile programmet her: 

Arrangementet er gratis for medlemmar av Gudbrandsdal Næringsforening og for kundar av Skåppå. Pris for andre: 500 kr. No-show: 500 kr.

Meld deg på ved å fylle ut dette skjemaet innan 4. april:

I går kveld kom nyheiten om at lokalbanken vår Sparebank1 Lom og Skjåk går inn med totalt 10 millionar til finansiering av Jotunheimen privatistskule, og det føyer seg inn i rekken av både næringsliv, friviljuge lag, kommunar og privatpersonar som har gått inn med støtte. 
Ei oversikt over støttespelarar finn du her, denne blir oppdatert kvar onsdag: 

Tusen takk for alle som bidreg!
 

Bli med på opplevingskurs med Høve Støtt i Skjåk den 7. og 8. april!

På opplevingskurset lærar du å jobbe med innovasjon og produktutvikling på ein ny og inspirerande måte. Prinsippa for eit berekraftig reiseliv er også ein del av utviklingsprosessen. Kurset har praktisk tilnærming og består av ein kombinasjon av forelesingar, øvingar og arbeid med eigen bedrift.

Det er Innovasjon Norge som bidreg med finansiering av kurset, og for at vi skal få finansiert det er det krav om minimum 10 deltakarar. Det vil vere ein eigenandel på maks 1100 kroner for å delta.

Kurset blir gjennomført som ei lunsj-til-lunsj samling. Møtestad blir avklara når vi veit om vi har nok deltakarar til å gjennomføre kurset. Kurset arrangerast med støtte frå Næringsnettverket i Skjåk (NiS), men er ope for bedrifter frå nabokommunane. 

Send påmelding til Kristin Smågård innan 27. mars dersom du vil delta.
kristin.smagard@skjaak.kommune.no

Førre veke arrangerte vi både næringspub og tilflyttarmiddag, og vi syns det er triveleg at så mange tok turen på begge arrangementene. 
Vi er særleg nøgde med at rundt 100 nye innbyggjarar frå Lom, Skjåk og Vågå deltok på tilflyttarmiddag saman. Møteplassar er viktig, også på tvers av kommunegrensane❤

Elles: Vi satsar på å invitere Ingrid frå Eagle Nest Eco Lodge til neste frukostmøte, sidan ho dessverre måtte melde avbod frå næringspuben pga. sjukdom.

Vi har sett av datoen 2. mai til bedriftsbesøk, så gi beskjed dersom du vil at vi skal ta turen innom di bedrift. 

Heilt til slutt - Sparebankstiftelsen DNB har søknadsfrist 1. april for den som vurderer ein søknad inn dit. 

God helg!

Foto: Skåppå